أبراج الفلك

موضوع: أبراج الفلك الثلاثاء أغسطس 26, 2008 11:00 am

بــــرجك اليوم...وكل يوم...الآن...وفقط ...بس غير شكل هالمرة!)

أهلا وسهلا...لكل من يؤمن بالأبراج ولكل من يكذب الأبراج..صباح الخير و صباح الفل وصباح الياسمين العراتلي المعتئ الغير شكل.

اليوم رح نقرأ سوا شو مخبيلنا الزمن وكل واحد رح يعرف هالشي من ورا البرج تبعه ، وكل واحد بيحب يعرف شو رح يصير معه ومع نصه التاني....مالو غير يأرا أبراج اليوم..مع أبو طربوش.

مبارح ، وبعد الساعة 12 بالليل ..يعني لما ألب اليوم وصار يوم جديد...رحت انا وألمي ودفتري لعند عمكن أبو طربوش مشان شوف الأبراج وسجللكن ياها..

وحزرو شو قال؟

**برج الحمل:

برج الحمل يتمتع بمواصفات قياسية، فهو كريم ولطيف ولكنه وببعض الأحيان مسكين (وديع)، اليوم يا صاحب برج الحمل رح تتفاجئ بشغلتين مهمتين..
الأولى انك رح توقف شي ساعة كاملة الصبح وتنطر المكرو باص الي المفروض يوصلك عالشغل.
والشغلة التانية الي رح تفاجأك...هية انك رح تقعد بالباص بجنب صديق قديم كتير ومابتحبه.
ورح تأضي مشوارك الصبح ووشك بوشو. ونكد من عند الصبح.
متفق اليوم مع برج الجوزاء ..مو مشان شي..بس لأنو مالك ملاقي مين تتفق معو.

يوم السعد الجمعة الساعة 10 المسا..بعد الأخبار بس عال أل بي سي.الفضائية البلودانية.

**برج التور(الثور):

أخ منك يا تور..أصدي يا مولود برج التور..
حظك بيفلق الصخر...جاييتك بحبوحة ...بس مو بالقبض! بحبوحة بالصرف.
انت بحاجة الى فترة نقاهة ..ويفضل تقضيها بعيد عن زوجتك وحماتك اذا كنت جانن وعاملها.أما اذا لسعتك عصفور طيار ...بنصحك تروح تعملك شي شهر رياحة برات البلد.
مصرياتك الي ندمان عليهن انك صرفتن على بعض ناس رح يرجعولك ببطاقة يانصيب..مشان هيك نصحنا عمي أبو طربوش انو مواليد هالبرج مايخلو بطاقة يانصيب بالبلد..وبهيك بيتحول مولود برج التور لخاروف.
بالنسبة لنصك التاني...اقرأ عليه السلام..لأنو كمان التاني بدو يعمل نقاهة منك ومن عتتك!

يوم السعد...اليوم الي بيطلع فيه سحب اليانصيب عالشاشة الفضية.

**برج الجوزاء:
هون بلش الدعم..
يامولود برج الجوزاء ، في فرصة عمل عم تلوح بالأفق..لهيك اوعا ترفع راسك كتير.
خليك قاعد ببيتك وبلالك هالتعتيرة..
بالنسبة الي بفضل ضل عشباب أون لاين طول النهار ولا روح عالشغل.
شريك حياتك برج الحمل بينساك هالفترة لأنو مشغول بصاحبو الي مابيحبو الي طلعلو بالمكرو(مفلوج شوي الله يعافيه).
ضائقة مالية رح تفرج قريبا بحسب قول أبو طربوش.
رح تتفاجأ اليوم انو شريكك متفاجئ مرتين أفا بعض..
يوم السعد: مافي!
الله يعوض علينا وعليكن.

**برج السرطان:
نيالك يامولود برج السرطان، اليوم انت على موعد مع النصف الآخر بالمنام مشان هيك مننصحك انك تنام بكير مشان ما تنطرو كتير..
لو صحت لجدي مامات!
اذا ضايقك حدا ووجعلك راسك باللت والعجن ...مالك غير تعملو بلوك أو بان..بيسكت فوراً.
رح تمر من حارة قديمة كتير وبتتزكر انك بعمرك مالك مارر فيها.
بحبوحة مصاري عم تحوم حوليك بس...آل المنحوس منحوس ولو علقو بدنبو فانوس...لاتعب حالك كتير..مافي!
شريك حياتك برج التيس (الجدي) ماعم يقدر ينام من صوتك..وطي شوي الموجة، ومتل مانصحنا أبو طربوش انو السحلب وسكر النبات بيرقق الصوت..

يوم سعدك ..اليوم الي بتشوف فيه مشاركاتك عم تنحذف بحشيشستان.

**برج الأســد:
ياحبيبي..هون مافينا نخبص كتير.
مواليد برج الأسد مبسوطين كتير..
عم تعيش حياتك غير شكل..حاول انك تندحش بخاصرتو لنصك الآخر شوي ..لأنو البعد مامنو جدوا.
مواليد برج الأسد شايفين حالن كتير..بس مو على بعض.
لهيك بنصح ماحدا يحاول يلعب بديلو معهن.
شريكك من نفس برجك عم يستنى منك مكالمة تلفونية ضرورية لتعبرلو عن مدى اشتياقك الو.
لاتنسى انو كل مكالمة من موبايل لثابت ب 7 ليرات ومن موبايل ل موبايل ب4
بنصحك تستخدم الحمام الزاجل لأنو أرخص

يوم السعد...مبارح أبل الضهر.

**برج العذراء:
مسكين الي غرء!
رح تسافر قريباً!
سفرة اضطرارية كتير.
ورح تجتمع بشخصية مرموقة كتير .
يمكن مختار ضيعتك أو رئيس البلدية!
أمانة اذا شفته لاتشتكينا انو عم نحذفلك مشاركاتك هون!
شريك حياتك ناطر منك هدية..
بنصحك تجبلو سلة بيض وكم رغيف مشروح من الي بيحبو ألبك.
لأنو البيض (أساس الكاتو والحلويات) وغير هيك فيك تستخدمه للضرب وقت اللزوم.
بحبوحة مالية بعيدة عنك كتير..وهادا سبب رئيسي لاختيار البيض كهدية.

يوم الحظ :29 شباط 2009

**برج الميـزان:
أوعا تسمع كلام عدوينك..
الإنتحار مافي من وراه شي..
بنصحك تقتلك شي زلمه كبير ..وتنام ببيت خالتك ..

بس اذا كان ولالبد..اذا بدك تبيع أملاكك قبل الرحيل اتصل فيي ضروري ...عاوزك.
ولاتنسى تأمنلنا الأوزي و الوربات بالأشطة و تعطينا حأ الجنازة..
لأنو بيني وبينك الأوضاع دائرة شوي.
وأسعار القبور مرتفعة.
والكفن غليان.
والأهوة المرة حليانة.

يوم السعد...(تعال لوشوشك...مافي)

** برج القــوس:
أوعا تهفك شي نسمة هوا هيك ولا هيك..حاكم بعرف عقلك..جوزتين بخرج.
خلي عيونك بالأرض..وامشي الحيط الحيط وياربي السترة..ولا الجاكيت؟
دير بالك لايشوفك السمّان بآخر الحارة.
وكل مابعتلك الصبي تبعو بورقة الحساب عميل حالك نايم.
واللحام اذا شي يوم ضاج عليك وطلعلك بالساطور..بنصحك ماتفتحله الباب..لأنو مامعو مزح!
ودير بالك من موظف البلدية...اذا شي يوم طن الجرس وطلعت من بخواش الباب ولقيت شرطي مسكين وآدمي حامل شنتاية سودا وملانة وراق لايرق ألبك وتفتحله..لأنو ماوراه غير خربان البيوت.

يوم السعد...لما بيندق باب بيتك....!!!

**برج التيس (الجدي):

مواليد برج الجدي ماحدا بيطلعلو معهن.
بس هوة بالحقيقة ألبو طيب وحباب ومافي منو.
حقول خضراء وفيرة تنتظرك ..وعمل جديد ستنتقل إليه أحسن من عملك الأول.
الأحقاد من العوازل حوليك كثرت بالآونة الأخيرة..ولكن انت مافي منك..أدها وأدود.
بحسب قول أبو طربوش..بدك تعلق خناقة مع واحد من مواليد برج التور ورح تاكل أتلة حشك ولبك..بنصحك تدير بالك وتبعد عن التور وتغنيلو.
مسؤول أمني رفيع كتير كتير (شلمونة) رح يتلفنلك اليوم بالغلط ..لا تقله النمرة غلط مشان ماتسمع كلمتين غلط.
يوم سعدك (لما بيربطوك بالعمود)

*ورد انو تعريف التيسنة أي مفرد تيس والتيس هو المغرم بالعنزة وكل ما يصدر منهما يسمى تتيساً..

**برج العقرب:
يالطيف شو حظك معتر ....
مالك رح تلحق توصل لعند بيت خالك لتعايد عليهن..وبعد هالمشوار المعتر الطويل من المروع لحرستا..مارح تلاقي حدا.
اتصال هاتفي غامض بانتظارك على كولبة الاتصالات بالشعلان ناح جامايكا سابقاً.
يوم سعدك لما تشرب كوكتيل من عند أبو عبدو.

**الــدلو:

مواليد برج الدلو مسكين..الأط بياكل عشاه..
بس مو أيا أط..الأط المنزوع مرائه بس.
رح تلاقي صعوبات بالاعتراف لنصك الحلو انك بتحبو..
لهيك مننصحك تفوت دورة انجليزي بالمركز البريطاني ...وتشتري موبايل ..وتستأجر سيارة.
وبعدين بتقرر..اما انو تبعتلها SMS وتكتبلها I L U..
أو انك تلاقيلك شي وحدة تانية من نفس المكان بس تكون شغل Hi شوي...
لا تستعجل باتخاذ قراراتك...تروى شوي واسئل أهل الخبرة والاختصاص.

يوم سعدك...لما يمر يوم وماتاكل أتلة من نصك الحلو.

**الــحوت:

حياتك متعلقة ببرج الميزان..
اذا انتحر...فانت رح تعيش بسلام..
أما اذا لأ!
فالله يعينك عالنكد والهم والتعتير الي رح تشوفو.
لاتنسى تخبر صحابك بالعزيمة الي رح تعملها بكرا!
حاكم بعرفك محشش! وممكن انك تعمل الحفلة بلا معازيم.

فرصة عمل تلوح أمام برج الجوزاء...لا تتردد بانتهازها ..
مو مشان شي..بس نكايا بمواليد هداك البرج..
حبك للأنانية مارح يفيدك كتير يوم الجمعة.
بنصحك تشرب لبن عيران كتير..لأنو الكولا عم تعمل وجع راس.
ولاتنسى تبتسم كل يوم بوش مديرك مشان مايقلك...يعطيــــــــــك العافية!

يوم السعد: لما بتطلع بجنازته لمولود برج الميزان.

غير منقول
__________________

مرسي الك كتير

من وين جايبه هاي الابراج الحلوه هههههههههههههههه

والله ابراج كتير حلوه وكمان بالغة العاميه
روعه يعطيكي العافيه

يسلمووو ياحلووه

كلو حكي فاضي
بصراحه انا ما بوافق ع فكره الابراج

يسلمو حبيبتي على الابراج

معاذ احنا مو مؤمنين بالابراج ولا عمرنا حنئمن فيها
بس تسلاي طبعا اكيد هي هيك يعني ما لا اي اهميه

**برج الجوزاء:
هون بلش الدعم..
يامولود برج الجوزاء ، في فرصة عمل عم تلوح بالأفق..لهيك اوعا ترفع راسك كتير.
خليك قاعد ببيتك وبلالك هالتعتيرة..
بالنسبة الي بفضل ضل عشباب أون لاين طول النهار ولا روح عالشغل.
شريك حياتك برج الحمل بينساك هالفترة لأنو مشغول بصاحبو الي مابيحبو الي طلعلو بالمكرو(مفلوج شوي الله يعافيه).
ضائقة مالية رح تفرج قريبا بحسب قول أبو طربوش.
رح تتفاجأ اليوم انو شريكك متفاجئ مرتين أفا بعض..
يوم السعد: مافي!
الله يعوض علينا وعليكن.

يسلموووووووو الم روووووووووووووعة

فري مش عاجبك ليه تفووووووووت

هههههههههههههههههههههههههه
حلوين والله
يسلمو ياعسل

يا ست سكر انا فتت عشان اشي غلط
وما بصير اشوف شي غلط واسكت عليه
فهمتي يا هبوله

يسلموووووووو ألم
عالموضوع كتير حلو

موضوع: رد: أبراج الفلك الخميس أغسطس 28, 2008 1:23 pm

يسلمو ياعسل

موضوع: رد: أبراج الفلك الجمعة أغسطس 29, 2008 7:52 am

دودو الحلوه كتب:: مرسي الك كتير

من وين جايبه هاي الابراج الحلوه هههههههههههههههه

الله مشروعي الي بلجامعة عن الأبراج وانا بعمل سيرش عجبني وضحكني كتير

شكرا حبيبتي على المرور

موضوع: رد: أبراج الفلك الجمعة أغسطس 29, 2008 7:54 am

يارتني كتب:: والله ابراج كتير حلوه وكمان بالغة العاميه
روعه يعطيكي العافيه

ياعمي تقدم

ههههههههههههههههههههههه
الله يعافيك يارب

موضوع: رد: أبراج الفلك الجمعة أغسطس 29, 2008 8:02 am

Freedom For All كتب:: يا ست سكر انا فتت عشان اشي غلط
وما بصير اشوف شي غلط واسكت عليه
فهمتي يا هبوله

هههههههههههه
عنجد من ايمتى؟؟

انتا بتكيف بس تشوف شي غلط هلا سرت حئااني هههههههههههههه

موضوع: رد: أبراج الفلك الجمعة أغسطس 29, 2008 8:08 am

نغم الحب كتب:: يسلمووو ياحلووه

انتي احلى

شكرا على المرور

موضوع: رد: أبراج الفلك الجمعة أغسطس 29, 2008 8:10 am

Freedom For All كتب:: كلو حكي فاضي
بصراحه انا ما بوافق ع فكره الابراج

ههههههههههههههههههههههههههههه
منا بعرف انه كلام فاضي بس ازا غلبت حالك وقرأت الموضوع رح تلاقيه مسخرة على الأبراج
يعني بتخوت على الأبراج

موضوع: رد: أبراج الفلك الجمعة أغسطس 29, 2008 8:11 am

جاسيكا كتب:: يسلمو حبيبتي على الابراج

واديكي ياقلبي

موضوع: رد: أبراج الفلك الجمعة أغسطس 29, 2008 8:14 am

دودو الحلوه كتب:: معاذ احنا مو مؤمنين بالابراج ولا عمرنا حنئمن فيها
بس تسلاي طبعا اكيد هي هيك يعني ما لا اي اهميه

معك صح

بس معاز بدمه ينتئدني مش اكتر

موضوع: رد: أبراج الفلك الجمعة أغسطس 29, 2008 8:16 am

سكر بنات كتب:: **برج الجوزاء:
هون بلش الدعم..
يامولود برج الجوزاء ، في فرصة عمل عم تلوح بالأفق..لهيك اوعا ترفع راسك كتير.
خليك قاعد ببيتك وبلالك هالتعتيرة..
بالنسبة الي بفضل ضل عشباب أون لاين طول النهار ولا روح عالشغل.
شريك حياتك برج الحمل بينساك هالفترة لأنو مشغول بصاحبو الي مابيحبو الي طلعلو بالمكرو(مفلوج شوي الله يعافيه).
ضائقة مالية رح تفرج قريبا بحسب قول أبو طربوش.
رح تتفاجأ اليوم انو شريكك متفاجئ مرتين أفا بعض..
يوم السعد: مافي!
الله يعوض علينا وعليكن.

يسلموووووووو الم روووووووووووووعة

فري مش عاجبك ليه تفووووووووت

ودياتك يابطة

موضوع: رد: أبراج الفلك الجمعة أغسطس 29, 2008 8:17 am

contisa كتب:: هههههههههههههههههههههههههه
حلوين والله
يسلمو ياعسل

انتي احلى

شكرا الك على المرور

موضوع: رد: أبراج الفلك الجمعة أغسطس 29, 2008 8:18 am

Freedom For All كتب:: يا ست سكر انا فتت عشان اشي غلط
وما بصير اشوف شي غلط واسكت عليه
فهمتي يا هبوله

شوالغلط ياابو الصح انتا

عم نمزح قلبتها درس ديني

موضوع: رد: أبراج الفلك الجمعة أغسطس 29, 2008 8:20 am

silk lady كتب:: يسلموووووووو ألم
عالموضوع كتير حلو

انتي احلى يابطة

موضوع: رد: أبراج الفلك الجمعة أغسطس 29, 2008 8:21 am

كارهة الحياه كتب:: يسلمو ياعسل

انتي العسل كله

موضوع: رد: أبراج الفلك الجمعة أغسطس 29, 2008 8:24 am

سكر بنات كتب:

Freedom For All كتب:: يا ست سكر انا فتت عشان اشي غلط
وما بصير اشوف شي غلط واسكت عليه
فهمتي يا هبوله

هههههههههههه
عنجد من ايمتى؟؟

انتا بتكيف بس تشوف شي غلط هلا سرت حئااني هههههههههههههه

هههههههههههههههههههههههههههههه

سيبك منه

موضوع: رد: أبراج الفلك الجمعة أغسطس 29, 2008 8:30 am

ألم الماضي كتب:

سكر بنات كتب:

Freedom For All كتب:: يا ست سكر انا فتت عشان اشي غلط
وما بصير اشوف شي غلط واسكت عليه
فهمتي يا هبوله

هههههههههههه
عنجد من ايمتى؟؟

انتا بتكيف بس تشوف شي غلط هلا سرت حئااني هههههههههههههه

هههههههههههههههههههههههههههههه

سيبك منه

اوك هي هاي
سيك منو ما هو الحق علي انا ...........الي فتت احكي شي منيح

موضوع: رد: أبراج الفلك الجمعة أغسطس 29, 2008 8:36 am

هههههههههههههههههههههههه

انتا ابتاخد المزح جد والجد مزح

موضوعي مش ابراج حقيقية أقرأه منيح

كله ضحك ومسخرة على الابراج

موضوع: رد: أبراج الفلك السبت أغسطس 30, 2008 1:15 pm

يسلموووو ياعمري

موضوع: رد: أبراج الفلك الأحد أغسطس 31, 2008 7:43 am

**برج الأســد:
ياحبيبي..هون مافينا نخبص كتير.
مواليد برج الأسد مبسوطين كتير..
عم تعيش حياتك غير شكل..حاول انك تندحش بخاصرتو لنصك الآخر شوي ..لأنو البعد مامنو جدوا.
مواليد برج الأسد شايفين حالن كتير..بس مو على بعض.
لهيك بنصح ماحدا يحاول يلعب بديلو معهن.
شريكك من نفس برجك عم يستنى منك مكالمة تلفونية ضرورية لتعبرلو عن مدى اشتياقك الو.
لاتنسى انو كل مكالمة من موبايل لثابت ب 7 ليرات ومن موبايل ل موبايل ب4
بنصحك تستخدم الحمام الزاجل لأنو أرخص

يوم السعد...مبارح أبل الضهر.

هههههههههههههههههههه
حلوووه
ههههههههههههههه
يسلمووو

موضوع: رد: أبراج الفلك الأحد سبتمبر 14, 2008 6:57 am

يسلموووووووووووووووووو كتييييييييير لالك