>< أعز الاحباب ><
خذ راحتك والعذاب اتركه لي
اتحمله وأنا على الضيم صبار
٠٠٠٠٠٠٠٠٠٠
أبشتكي لك أنت :
(ياأعز الأحباب )
شكوى مريض يبتسم في ونينه :
جرح أحسبه طاب وأثريه ماطاب :
خلى (دموع العين )
تنزف حزينه :
ماهي :ظروف الوقت وآلام الأعصاب
(غياب الحبيب اللي غلاته ثمينه )
@ @ @ @
تبقى ترى في كل الأحوال غالي
حتى لو إني ضمن هامش حياتك
ياواصلن قطعي و قاطع وصالي
أرجوك تسمعني و كلمه وجاتك
إن كنت ما أهمك وخاطرك سالي
تعال صارحني وبرر سواتك
وإن كنت مأخذني قصيد وتسالي
ما أحب أكون بيوم من تسلياتك
لكن تعال إسمع خلاصة مقالي
البارحه ياهيه فاتك وفاتك
في آخرة هالليل جالس لحالي
سهران أفكر فيك مع ذكرياتك
أعطيتني إهمال وأشغلت بالي
علقت لأجل الحب ذاتي بذاتك
أغريتني وإزداد فيني هبالي
إهبال من حسنك وباقي صفاتك
أعجبتني من قلب أول وتالي
أسلوبك أولها وتالي حلاتك
يعني تراي أحيان جدآ مثالي
يهمني طبعك قبل مغرياتك
خليتني مبسوط بضعة ليالي
وأحزنتني والحين وينك! وهاتك
ياصاحبي ياأنت ياراس مالي
ياللي على قلبي فرضت بغلاتك
لو معك أنا أكذب وشعري خيالي
الله يأخذني وإدعي بصلاتك
حلالي أتوفى عشانك حلالي
وحلالك إنك تستمر بسكاتك
ياخي تراني ضقت وارأف بحالي
إلى متى والصمت يلزم شفاتك؟
أبيك تفضى لي وتجلس قبالي
أطالع بعيني زين واجمع شتاتك
لويمنعك ظرفك لاتبالي
بصبرعلى شانك وبسمع وصاتك
لكن أبي أسأل وجاوب سؤالي
أبغى تجاوبني وتترك سكاتك
إن كنت شاريني شريتك بغالي
وإن بعتني ترى البقيه بحياتك!؟!
'%_ ياحبيبي'%_
بلدان الحبايب مريفه،،
واللي بدون احباب كنه على نار،،
الطير بالجنحان يكثر رفيفه،،
وإذا انكسر واحد تعثر ولاطار،،
يمنى بلا يسرى تراها ضعيفه،،
ومن يفقد اصحابه على الغبن صبار،،،،
(عاشقه فلسطين ــ عاشقه الموت)
الإثنين نوفمبر 17, 2008 5:53 am
